By Wahu Kaara

Waceera dadangu ndugu kipenzi,

kipenzi shujaa mwenzangu

Shujaa Bintiye Mwalimu Kahiga,

kwa sifa sote tuijuaye

Sifa kijijini Ngorano tumeisikia,

Ngorano zawadi ya ulimwengu kote

Ulimwengu kote ukajulikana, Mama

Shujaa wa Kenya

Mama Shujaa Miriam Kahiga, Msomi

Mwandishi ukatambulikana kote

Uandishi usio na kifani, mawazo ya

kulenga na kuzinduwa

Wakenya wazalendo tukakujua,

heshima yako urithi wetu

Mama Shujaa Miriam Kahiga, Shujaa

mwenzangu kipenzi

Shujaa mwenzangu, mwenyezi

Mungu akamtambua

Yesu Kristo akawa nguzo yake,

ushuhuda ukatutolea

Ukaiishi imani yako, kwa matendo

na usemi

Injili ukaendeleza, na kuivumisha

mpaka hospitalini

Shujaa Mama mwenzangu, ukawalea

hata watoto

Uzazi ukauimarisha, wenye swali

waniulize

Madeni ya dunia umeyalipa, kwa

nini usifike Mbinguni

Waceera Mama Shujaa, historia yako

haifutiki

Tamati historia yako haifutiki,

maadili ya kifani umetuachia

Kuimarisha wema na utu, amri kuu

ya kupendana

Tabasamu yako nani usahau,

Waceera dadangu ndugu kipenzi

Waceera dadangu kipenzi, buriani

najua tutaonana